Мақомоти корҳои дохилии кишварҳои ИДМ тартиби табодули ахборро муҳокима карданд

Намояндагони вазоратҳои корҳои дохилии кишварҳои ИДМ ҷараёни амалисозии барномаҳои байнидавлатии мубориза бо ҷинояткорӣ дар самти технологияи иттилоотӣ, муқобилият ба дуздии воситаҳои нақлиётӣ, тартиби фаъолияти махзани маълумотҳои махсусро дар ҷаласаи навбатии Шӯрои ВКД ИДМ мавриди баррасӣқарор доданд.

Ҷаласаи навбатӣ дар пойтахти Белорус - шаҳри Минск баргузор гардида, дар кори он муовини вазири корҳои дохилии Ҷумҳурии Тоҷикистон Аламшозода Абдураҳмон, сардори Раёсати ҳамкориҳои байналмилалӣ Абдуллозода Зумрад ва сардори Раёсати мубориза бар зидди ҷиноятҳои муташаккил Азизулозода Сафиало иштирок карданд.

Дар ҷаласаи Шӯрои ВКД-и ИДМ тартиби табодули ахбор миёни мақомоти корҳои дохилӣ (политсия) ва ҳамкорӣ дар мубориза бар зидди гардиши навъҳои нави моддаҳои нашъадор низ, муҳокима гардид.