Боздиди Р. Раҳимзода аз Маркази таълимиву фароғатии ВКД дар мавзеи «Обшорон»

Имрӯз вазири корҳои дохилӣ генерал-лейтенанти милитсия Рамазон Раҳимзода дар доираи сафари хизматӣ ба вилояти Суғд аз вазъи зимистонгузаронии Маркази таълимиву фароғатии Вазорати корҳои дохилии Ҷумҳурии Тоҷикистон дар мавзеи «Обшорон»-и ноҳияи Шаҳристон дидан кард.

Шароити зимистонаи Маркази мазкур ва машғулиятҳои мавсими зимистонаи воҳидҳои мақомоти корҳои дохилӣ дар вилояти Суғд хуб ба роҳ монда шуда, таълим дар самтҳои бехатарӣҳангоми хизматбарӣ, сайқал додани омодагии ҷангии ҳайати шахсӣ ва аз худ намудани талаботи санадҳои меъёрӣ-ҳуқуқии танзимкунандаи фаъолияти хизматӣ равона шудаанд.

Вазири корҳои дохилӣ зимни боздид зикр кард, ки воҳидҳои мақомоти корҳои дохилӣ дар ин машғулиятҳо имконият пайдо мекунанд, ки унсурҳои назариявию амалиявиро дар як вақт аз худ намуда, ҳам ба таълим ва ҳам истироҳату фароғат фаро гирифта шаванд.