Вазир: «Илова ба қонуни ВАО барои озодии сухан монеа эҷод намекунад»

«Ворид намудани иловаҳо ба лоиҳаи Қонуни Ҷумҳурии Тоҷикистон «Дар бораи матбуоти даврӣ ва дигар воситаҳои ахбори омма» барои озодии сухан дар кишвар ягон монеа эҷод намекунад»,- гуфт дар ҷамъи хабарнигорон Орумбекзода Шамсиддин - вазири фарҳанги ҷумҳурӣ.

Вазир афзуд, ки ҳадафи ворид намудани иловаҳо ба ин қонун беҳтар намудани назорат дар самти фаъолияти воситаҳои ахбори омма, таъмину таҳкими амнияти иттилоотии кишвар ва мутобиқ намудани он ба дигар қонунҳои амалкунандаи ҷумҳурӣ мебошад.