Пешниҳоди Президентро Парлумон тасдиқ кард
Бахтиёр Худоёрзода, ки қаблан дар вазифаи роҳбари дастгоҳи иҷроияи Президенти кишвар фаъолият дошт, раиси Комиссияи марказии интихобот ва раъйпурсии Ҷумҳурии Тоҷикистон интихоб гардид.
Дар ин росто 3 феврал вакилони палатаи поёнии Парлумони Тоҷикистон пешниҳоди Президенти Ҷумҳурии Тоҷикистонро дар бораи раиси Комиссияи марказии интихобот ва раъйпурсии Ҷумҳурии Тоҷикистон интихоб намудани Бахтиёр Худоёрзода тасдиқ карданд.
Раиси Маҷлиси намояндагон Шукурҷон Зуҳуров зимни муаррифии раиси нави Комиссияи марказии интихобот ва раъйпурсии кишвар дар назди вакилон гуфт, Бахтиёр Худоёрзода дар тамоми вазифаҳо бо масъулияти баланд ва виҷдони пок кор кардааст.
Бахтиёр Худоёрзода фаъолияти худро аз вазифаи муфаттиш оғоз карда, то ба имрӯз дар вазифаҳои гуногуни давлатӣ, ба мисли раиси Суди олии иқтисодии кишвар, вазири адлия, роҳбари Дастгоҳи Президенти кишвар фаъолият намудааст.
АМИТ «Ховар»
