Вохӯрии вазири корҳои хориҷӣ бо муовини Дабири кулли СММ

21 марти соли 2025 дар қароргоҳи Созмони Милали Муттаҳид дар ш. Ню Йорк вазири корҳои хориҷии Ҷумҳурии Тоҷикистон Сироҷиддин Муҳриддин бо муовини Дабири кулли СММ оид ба кор бо Маҷмаи Умумӣ ва мудирияти конфронсҳо Мовсес Абелян мулоқот намуд.

Дар вохӯрӣ оид ба масоили ҳамкорӣ миёни Тоҷикистон ва Созмони Милали Муттаҳид ва баргузории конфронсҳои дарпешистода аз ҷумла, Конфронси СММ бахшида ба ҷамъбасти Даҳсолаи байналмилалии амал «Об барои рушди устувор» соли 2028 дар Душанбе табодули афкор сурат гирифт.