Муовини якуми Сарвазири Ҷумҳурии Тоҷикистон бо Президенти Гурӯҳи Бонки ҷаҳонӣ мулоқот намуд

25 апрел муовини якуми Сарвазири Ҷумҳурии Тоҷикистон Ҳоким Холиқзода дар ҳошияи ҷаласаи баҳории Хазинаи Байналмилалии Асъор ва Бонки ҷаҳонӣ бо Президенти Гурӯҳи Бонки ҷаҳонӣ Аҷей Банга мулоқот намуд.

Зимни мулоқот ҷонибҳо доираи васеи масъалаҳои марбут ба ҳамкории дуҷониба, аз ҷумла татбиқи лоиҳаҳои зерсохторӣ, энергетикӣ, иҷтимоӣ ва дастгирии равандҳои ислоҳоти иқтисодиро мавриди баррасӣ қарор доданд.

Муовини якуми Сарвазири мамлакат изҳор намуд, ки Ҳукумати Ҷумҳурии Тоҷикистон ба густариши ҳамкории стратегӣ бо Бонки ҷаҳонӣ аҳамияти махсус дода, ҷонибдори таҳкими ҳамкории мутақобилан судманд дар самтҳои афзалиятноки рушди миллӣ мебошад.

АМИТ «Ховар»