Имзои Протоколи муҳим миёни Тоҷикистон ва Русия дар соҳаи энергетика

Дар ҳошияи сафари кории Сарвазири Ҷумҳурии Тоҷикистон Қоҳир Расулзода ба Федератсияи Русия Протокол дар бораи ворид намудани тағйироту иловаҳо ба Созишнома байни Ҳукумати Ҷумҳурии Тоҷикистон ва Ҳукумати Федератсияи Русия дар бораи ҳамкорӣ оид ба баҳрабардории НБО «Сангтӯда-1» аз 30 июли соли 2009 ба имзо расонидана шуд.

Протоколро вазири энергетика ва захираҳои оби Ҷумҳурии Тоҷикистон Далер Ҷумъа ва вазири энергетикаи Федератсияи Русия Сергей Сивилёв ба имзо расониданд.

Дар доираи санади мазкур як қатор масъалаҳои муҳими фаъолияи Неругоҳи барқи обии «Сангтӯда-1» танзим мегарданд.

Зимни маросими баимзорасонии Протокол таъкид гардид, ки санади мазкур дар самти таҳкими муносибатҳои шарикии стратегии Тоҷикистону Русия дар соҳаи энергетика заминаи боз ҳам мусоидро фароҳам хоҳад овард.

Бояд гуфт, ки НБО «Сангтӯда-1» бо иқтидори лоиҳавии 670 МВт дорои 4 гидроагрегат (ҳар кадоме бо иқтидори 167,5 МВт) яке аз неругоҳҳои барқи обии бузурги амалкунанда буда, тақрибан 12%-и ҳаҷми умумии истеҳсоли неруи барқро дар кишвар таъмин мекунад.

www.mewr.tj