Мусоҳиба бо нашрияи маъруфи Байналмилалии «The Investor»

Вазири энергетика ва захираҳои оби Ҷумҳурии Тоҷикистон Далер Ҷумъа мусоҳибаи вижа бо нашрияи маъруфи байналмилалӣ — «The Investor» анҷом дод.

Дар ҷараёни суҳбат, имкониятҳои васеи сармоягузорӣ дар Ҷумҳурии Тоҷикистон, бахусус дар соҳаҳои энергетика ва захираҳои об матраҳ гардид.

Вазири энергетика ва захираҳои об зикр кард, ки Тоҷикистон дорои захираҳои фаровони обӣ мебошад ва зиёда аз 60% захираҳои оби Осиёи Марказӣ, маҳз дар қаламрави Ҷумҳурии Тоҷикистон ташаккул меёбанд.

Таъкид гардид, ки бо дарназардошти афзоиши талабот ба манбаъҳои нави неруи барқ, Тоҷикистон омода аст бо сармоягузорони хориҷӣ ҳамкориҳои мутақобилан судмандро густариш диҳад.

Инчунин, дар мусоҳиба вобаста ба татбиқи лоиҳаҳои муҳими минтақавӣ, аз ҷумла сохтмони НБО «Роғун», лоиҳаи минтақавии «CASA-1000» ва дигар ташаббусҳои муҳими энергетикӣ маълумоти муфассал пешниҳод шуд.

www.mewr.tj