НАҚШАИ ГЕНЕРАЛИИ ПОЙТАХТ ТАКМИЛ ДОДА МЕШАВАД
Ҷамъияти саҳҳомии шакли кушодаи «Гипрогор»-и шаҳри Маскави Федератсияи Русия бо назардошти хулосаи протоколии комиссияи тендерӣ ғолиби тендери кушод оид ба тасҳеҳи Нақшаи генералии шаҳри Душанбе гардид.
Тендери мазкур аз ҷониби Мақомоти иҷроияи ҳокимияти давлатии шаҳри Душанбе созмон дода шуда, дар он шахсони ҳуқуқии ватанию хориҷӣ иштирок доштанд. Дар робита ҶСШК «Гипрогор»-и шаҳри Маскав корҳои тасҳеҳи Нақшаи генералии шаҳри Душанберо тибқи талаботи тендерӣ ба анҷом мерасонад.
Дар асоси қарордоди ба имзорасанда маблағи иҷрои корҳои тасҳеҳи Нақшаи генералии шаҳри Душанбе 415 ҳазор доллари америкоиро ташкил медиҳад, ки он аз ҳисоби маблағҳои буҷаи шаҳр пардохт карда мешавад.
Марзия Саидова, АМИТ «Ховар»
