БА ПЕШВОЗИ ИДИ ВАҲДАТИ МИЛЛӢ

 Бахшида ба Рӯзи ваҳдати миллӣ, 22 июн дар Китобхонаи ҷумҳуриявии бачагонаи ба номи Мирсаид Миршакар намоишгоҳи калони китоб кушода мешавад. 

Дар он дар мавзӯъҳои вахдату ягонагӣ, сулҳу осоиш, муборизаи халқи тоҷик ба муқобили истилогарони аҷнабӣ, қаҳрамонони халқи тоҷик, муттаҳид сохтани тоҷикон, созишномаи оштии миллӣ ва соҳибихтиёрии Тоҷикистон теъдоди хеле зиёди китобу маҷаллаҳо, аксҳо ва ҳуҷҷатҳо ба намоиш гузошта мешаванд.

Директори китобхона Қурбон Афғонов ба мухбири АМИТ «Ховар» хабар дод, ки ҳамчунин, бахшида ба ин рӯз, 26 июн кормандони китобхона дар мавзӯи «Санади сулҳ ва ваҳдати миллӣ» бо адибон ва хонандагони худ мулоқот хоҳанд гузаронд. Ғайр аз ин кормандони китобхона тасмим гирифтаанд, ки ба истироҳатгоҳҳои тобистона рафта, бо бачагон дар ин мавзӯъҳо сӯҳбат ороянд.

Лутфия Эшонқулова, АМИТ «Ховар»