УЗБАКИСТОН МАРЗИ ХУД БО ТОҶИКИСТОНРО БАСТ

Зафар Раҳимҷонов, консули Узбакистон дар Тоҷикистон ба радиои Озодӣ гуфт, бинобар хуруҷи вируси фалаҷи атфол дар Тоҷикистон, Узбакистон барои ҷилагирӣ аз эҳтимоли сирояти ин вирус марзҳояш бо Тоҷикистонро масдуд кардааст. Ҳоло барои шаҳрвандони Тоҷикистон ва Узбакистон дар убуру мурури гузаргоҳҳо шароити махсус ҷорӣ карда шудааст. Барои ходимони дипломатӣ ва афроде, ки ба маросими таъзия мераванд ва ё бемор ҳастанд, иҷзоаи гузар дода хоҳад шуд.

Ҳамчунин шаҳрвандони кишвари сеюм низ метавовнанд озодона марзи Тоҷикистон бо Узбакистонро убур ва ҳаракат кунанд.

Сарнавишти вагонҳо чӢ шуд?

Идораи роҳи оҳани Тоҷикистон иттилоъ дод, ки аз таъирихи 22 май мақомоти Узбакистон ҳаракати вагонҳои ҳомили бори мухталиф ба қаламрави Тоҷикистонро қатъ кард. Дар ҳоли ҳозир, дар истгоҳҳои роҳи оҳани Узбакистон ҳудуди 900 вагоне, ки мебоист вриди вилоти Хатлон мешуданд, мутаваққиф шудааст. Ҳамчунин 1200 вагоне, ки ба самти потахти Тоҷикистон ҳаракат мекард низ боздошта шудаанд.

Таи ин чанд рӯзи ахир ҷамъан беш аз 2000 ҳазор вагоне, ки аз маводи хурданӣ ва анвои сӯхт иборатанд дар қаламрави Узбакистон банд мондаанд. Қаторҳои ҳомили молу колои Тоҷикистон аз аввали соли равон то кунун дар қаламрави Узбакистон ба мушкили убуру мурур рӯбарӯ мебошанд.