САФИРИ ҚАЗОҚИСТОН ДАР ТОҶИКИСТОН ДАРГУЗАШТ

Абуталип Ахметов, сафири Қазоқистон дар Тоҷикистон, шаби гузашта дар асари бемории қалб даргузашт. Манобеъи сафорати Қазоқистон дар Душанбе гуфтанд, ки сактаи қалбии оқои Ахметов ба таври ногаҳонӣ сурат гирифта ва ӯ дар соъати 8 шаб даргузаштааст. Пизишкон натавонистаанд ӯро наҷот диҳанд.

Феълан масъулони сафорати Қазоқистон дар Тоҷикистон машғули анҷоми тадорукот барои интиқоли ҷанозаи Абуталип Ахметов ба ватан ҳастанд. Гуфта мешавад, ки парвози наздиктарин ба шаҳри Олмотии Қазоқистон рӯзи шанбе анҷом мешавад ва манобеъи сафорат мегӯянд, ки ҷанозаи оқои Ахметов рӯзи шанбе тавассути ҳавопаймо ба ватан интиқол хоҳад ёфт. Субҳи имрӯз парвозе ба Олмотӣ анҷом шуд, вале имкони интиқоли ҷасади сафири Қазоқистон ба ватанаш фароҳам нашудааст.

Абуталип Ахметов 61 сол дошт ва дар моҳи майи соли 2008 ба симати сафири Қазоқистон дар Тоҷикистон интисоб шуда буд. Қабл аз аз маъмурияташ ба Тоҷикистон, вай дар вазифаи консули кишвараш дар шаҳри Истонбули Туркия ифои вазифа кардааст.

Би-Би-Си

Адреси доимии маводи мазкур: http://www.ruzgor.tj/news/13-news/3553-2010-11-11-05-15-44.html