ИНТИҚОЛИ ИТТИЛОЪОТИ БОНКӢ БА ВИКИЛИКС

Рудолф Елмер, яке аз бонкдорони собиқи Суис иттилоъи марбут ба беш аз ду ҳазор нафар ва созмон аз кишварҳои мухталифи дунёро, ки ба гуфтаи ӯ аз сиррӣ будани фаъолияти бонкӣ барои напардохтани молиёт истифода кардаанд, дар ихтиёри сойти Викиликс (Wikileaks) гузоштааст.

Дар як нишасти хабарӣ дар Ландан оқои Елмер гуфт ин иттилоъот дар шакли ду лавҳи фушурдаи компютерӣ исмҳои милиюнерҳо, ширкатҳои бузург, сандуқҳои сармоягузорӣ ва чиҳил сиёсатмадорро дар бар мегирад. Дар ин нишасти хабарӣ Ҷулиён Оссонж, бунёдгузори Викиликс гуфт ин иттилоъотро пахш хоҳад кард, аммо нагуфт чӣ замоне ин корро анҷом хоҳад дод.