АЁДАТИ САФИРИ ТОҶИК АЗ ЗАХМИЁНИ ДОМОДЕДОВО

Сафири Тоҷикистон дар Русия Абдулмаҷид Достиев чанде аз захмиёни таркиши Маскавро аёдат кардааст.

Бо дастури махсуси раисиҷумҳури Тоҷикистон сафири ин кишвар дар Русия Абдулмаҷид Достиев аз ҳоли бархе аз шаҳрвандони тоҷик, ки дар таркиши “Домодедово” захмӣ шудаанд дар бемористонҳо хабар гирифт ва дар борваи вазъи онҳо бо пизишкон ҳамсӯҳбат шуд. Дар таркиши шоми душанбе дар бузургтарин фурудгоҳи Маскав 2 шаҳрванди тоҷик – Ҷабборов Собир ва Ҳақназаров Мурод - кушта ва 13 тан захмӣ шуданд. Давлат Назрӣ, сухангӯи вазорати хориҷаи Тоҷикистон ба Радиои Озодӣ гуфт, вазъи 5 тани онҳо вахим хонда мешавад.

Ҳувияти 6 нафари дигар, ки дар таркиш кушта шуданд, шиносоӣ нагаштааст. Раисиҷумҳури Тоҷикистон Эмомалӣ Раҳмон дирӯз дар як тамоси телефонӣ ба ҳамтои русаш Дмитрий Медведев изҳори таслият кард. Дар пайи таркиши “Домодедово” тадобири амниятиро дар фурудгоҳҳо, истгоҳҳои роҳи оҳану автобус ва иншооти давлатии Тоҷикистон низ тақвият додаанд.

«Озодӣ»