ҶОН БОХТАНИ ЯК КӮДАК ДАР ОТАШСӮЗӢ

Бар асари оташсӯзӣ дар як манзили маскунӣ дар ноҳияи Шаҳринав, дар ғарби пойтахти Тоҷикистон, як духтари дусола кушта шудааст.

Тибқи иттилоъи манобеъи Вазорати умури дохилаи Тоҷикистон, иллати оташсӯзӣ истифодаи нодуруст аз печ ё бухории барқӣ барои гарм кардани манзил будааст. Бино ба гузориши расмии ин вазорат, дар соли ҷорӣ дар ҳудуди Тоҷикистон беш аз 300 мавриди оташсӯзӣ сабт шуда ва бар асари ин ҳаводис 11 нафар ҷон бохтаанд. Хисороти молӣ аз оташсӯзӣ болиғ ба 10 милюн сомонӣ баровард шудааст.