ДАР ХУСТИ АФҒОНИСТОН 5 НАФАР КУШТА ШУД

Мақомоти расмии Афғонистон мегӯянд, баъд аз оғози тирандозӣ дар наздикии бошгоҳи нируҳои Афғонистон дар вилояти Хуст дастикам 5 нафар кушта шудаанд.

Генарал Розмуҳаммад-фармондеҳи нируҳоии вилояти Хуст мегӯяд, чанд нафар бо камарбандҳои мунфаҷира субҳи зуд талош кардаанд вориди бино шаванд. Баъд аз он тирандозӣ шурӯъ шудааст ва тақрибан чанд соат давом кардааст. Толибон масъулияти ин ҳамларо бар дӯш гирифтаанд.