ТАЛОШИ ҚАЗОҚИСТОН БАРОИ ҲАЛЛИ БӮҲРОНИ ОБ БО КӮМАКИ ҚИРҒИЗИСТОН
Бино ба гузориши хабаргузории «Форс» ҳайате аз вилоятҳои ҷанубии Қазоқистон ба Қирғизистон сафар карданд ва дар дидор бо мақомоти Бишкек масъалаи камбуди шадиди об дар фасли тобистон дар Қазоқистон ва роҳҳои таъмини оби мавриди ниёз ба истифода аз манобеи обии мавҷуда дар Қирғизистонро мавриди гуфтугӯ қарор доданд.
Аъзои ин ҳайат хостори интиқоли бахше аз оби Қирғизистон ба манотиқи ҷануби Қазоқистон шуданд, ки то кунун мақомоти қирғиз ба дархости онҳо посухе надодаанд. Бино бар гуфтаи Ҷамолиддинов, раиси кумитаи манобеъ ва эҳёи оби Қирғизистон, «Бишкек ба тамоми тавофуқномаҳои дуҷониба амал мекунад, вале бояд ба ёд дошта бошем, ки об танҳо барои кишоварзӣ ва обёрӣ нест, балки манбае барои тавлиди барқ низ маҳсуб мешавад, мавзӯи об ба монанди мавзӯи барқ аст».
Ғайрат Молдошев, устоди ҷуғрофиё ва заминшиносии Қирғизистон мӯътақид аст, ки мушкили об масъалае нест, ки бо тавофуқи байни Қазоқистон ва Қирғизистон ҳал шавад, зеро оби обанбори Тохтагул бо убур аз Ӯзбакистон ба Қазоқистон ворид мешавад. Ва дохилшавии об ба ин обанбор дар як сония 463 метри муккааб буда хориҷшавии он 631 метри муккааб дар сония аст, ки идомаи ин раванд муҷиби хушкидани оби ин дарғот хоҳад шуд.
«Рӯзгор»