ҲАБСИ ШАҲРВАНДИ АФҒОНИСТОН ДАР ҲАМАДОНӢ
Додгоҳи ноҳияи Ҳамадонӣ як шаҳрванди Давлати исломии Афғонистон, Мусохон валади Мирҳамзаро барои 18 сол равонаи зиндон намуд.
Ин шаҳрванди Афғонистон дар убури ғайриқонунии марзи давлатӣ, интиқоли маводи мухаддир гунаҳкор дониста мешавад. Изатулло Табаров, раиси додгоҳи ноҳияи мазкур мегӯяд, давоми соли ҷорӣ саввумин шаҳрванди Афғонистон аст, ки дар ҳудуди ноҳия боздошт ва маҳкум ба зиндон мешавад. Аммо ҷаноби Табаров мегӯяд, аксари қочоқчиёни боздошташуда дар додгоҳ аз гирифтани адвокат ё худ ҳимоятгар даст мекашанд, зеро ба гуноҳи худ пурра иқроранд.
Таи ду соли охир дар ноҳияи Ҳамадонӣ 15 тан аз шаҳрвандони Давлати исломии Афғонистон бо ҷурми убури ғайриқонунии марз, интиқоли маводи мухаддир аз 17 то 23 сол ҳукми зиндон гирифтаанд.
Сулаймон Холлов, АМИТ "Ховар"