ХУДДОРИИ САФОРАТИ ТОҶИКИСТОН АЗ ШИРКАТ ДАР БУЗУРГДОШТИ УСТОД ҚАНОАТ

Ба муносибати 80-солагии устод Муъмин Қаноат рӯзи 28-уми июн дар пойтахти Русия шаҳри Маскав маҳфили бошукӯҳи шаби шеъри ин суханвари номовари форсӣ баргузор шуд.

Барои ширкат дар ин маҳфил ва табрикоти вижа Олжас Сулаймонов-сафири Қазоқистон дар ЮНЕСКО (Париж) ва Зинаида Андреева Селезнёва-қаҳрамони достони "Сурӯши Сталинград" аз шаҳри Волгоград ба Маскав омаданд. Хонум Селезнёва ҳамчунин паёми табрики мақомоти вилояти Волгоградро тақдими устод Қаноат кард.

Ҳамчунин дар ин маҳфил устод Қаноатро Сайидмаҳмуд Ризо Саҷҷодӣ-сафири Ирон дар Русия, Глан Онанян-шоир ва нависандаи армян, шоираи маъруф Татъяна Кузовлева, Александр Эбанаидзе-шоири гурҷӣ, Илҳом Бадалбоев-шоири озарӣ, профессорон Лола Саломатшоева ва Инна Ростовсева ва ҳамчуниндоктор Яфталӣ-раиси диаспораи афғонҳои муқими Русия, раисони диаспораҳои қирғиз ва Грекҳо ба намояндагӣ аз кишвар ва мардуми хеш табрик намуданд.

Ин дар ҳолест, ки гуфта мешавад, сафорати Тоҷикистон дар Маскав аз ширкат дар ин маросим ба далелҳои номаълум худдорӣ кардааст.

http://tajik.irib.ir/tajiki/