ПАЁМИ ҶАДИДИ БИН ЛОДИН

Як навори савтӣ, ки зоҳиран ҳомили паёми тозаи Усома бин Лодин, раҳбари шабакаи Алқоъида аст, тавассути шабакаи арабизабони Алҷазира пахш шудааст. Гӯяндаи ин паём мегӯяд масъулияти талош барои инфиҷор дар ҳавопаймои Амрикоӣ дар айёми Крисмас бо шабакаи Алқоъида аст.

Раҳбари Алқоъида дар паёми ҷадиди худ мегӯяд талоши моҳи гузаштаи ҷавони ниҷериёӣ барои мунфаҷир кардани ҳавопаймое бар фарози осмони шашри Дейтройт дар Амрико қобили ситоиш будааст. Садое, ки дар ин навори савтӣ шунида мешавад, ҳамчунин ҳушдор медиҳад, ки ҳамалоти дигаре дар пеши рӯи Амрикост. Мақомҳои Яман гуфтаанд Умар Форуқ Абдулмуталлаб, ҷавони ниҷериёӣ, ки саъй кард ҳавопаймои Амрикоиро мунфаҷир кунад, аммо ноком монд, дар ин кишвар бо раҳбарони Алқоъида мулоқот карда буд.

Паёми тоза

 Дар навори савтии Алқоъида, ки тавассути шабакаи қатарии Алҷазира пахш шудааст, Усома бин Лодин мегӯяд, агар Амрико ба ҳимояташ аз Исроил идома диҳад, бояд мунтазири ҳамалоти бештаре дар ин кишвар бошад. Дар идомаи паём омадааст: "Агар метавонистем паёми худро бо калимот мунтақил кунем, ин корро бо ҳавопаймо намекардем."

Сиҳҳату суқми ин паём ҳанӯз таъйид нашудааст. Ровии паём мегӯяд: "Паёме, ки барои шумо тавассути Умар Форуқ Абдулмуталлаб фиристода шуд, таъйиде будааст, ки бар паёме, ки тавассути қаҳрамонони мо дар ҳамалоти ёздаҳи сентябр ирсол шуд."

Умар Форуқ Абдулмуталлаб талош карда парвози Амстердам - Дейтройт тавассути ширкати ҳавопаймоии Делта Эяр Лайнзро дар рӯзи иди Крисмас (25 декабр) мунфаҷир кунад, аммо маводи мунфаҷира, ки дар шалвораш пинҳон карда буд, мунфаҷир нашуд. Ӯ гуфтааст, ки дар Яман тавассути аъзои Алқоъида омӯзиш дидааст.

Гӯяндаи паём, Усома бин Лодин мегӯяд: "Мунсифона нест, ки шумо Амрикоиҳо зиндагии амн дошта бошед, дар ҳоле ки бародарони мо дар навори Ғаза дар ранҷу азобанд. То замоне ки аз Исроил ҳимоят мекунед, ҳамалоти мо идома хоҳад дошт."

Дар идомаи ин паём омадааст: "Амрико ҳаргиз хоби амниятро ҳам нахоҳад дид, магар ин ки амният дар Фаластин ба воқеъият табдил шавад."

Анди Девид, сухангӯи вазорати умури хориҷаи Исроил дар вокуниш ба пахши ин паём гуфт: "Ин паём ҳомили мавзуъи ҷадиде набудааст; Бин Лодин қаблан ҳам ин ҳарфҳоро зада буд. Теруристҳо ҳамеша ба дунболи баҳонаҳое масхара ҳастанд, то иқдомоти нафратангези худро анҷом диҳанд."

Раҳбари Алқоъида ба таври пароканда паём мунташир мекунад. Ӯ дар моҳи сентябри соли 2009 навори савтии 10 дақиқаӣ мунташир кард ва дар он ба Борок Убомо, раиси ҷумҳури Амрико ҳушдор дод, ки "қудрат надорад" ҷангҳои Ироқ ва Афғонистонро поён диҳад.

Би-Би-Си

Адреси доимии маводи мазкур: http://ruzgor.tj/ravzanabajaxon/1609-payomi-jadidi-bin-lodin.html