Он ақлу донише, ки нури Ислом барои истифодаи он тарғибу ташвиқҳои зиёде намудааст. Зеро Худованди якто дар Қуръони Карим чунин фармудааст: «Оё Қуръонро бо диққат мутолиа намекунед?» Пас касе ин китоби мӯъҷизаосоро бо диққат ва тадаббур мутолиа кунад бар ҳақиқатҳои шигифтовари он пай хоҳад бурд. Пай хоҳад бурд, ки Қуръон навиштаи махлуқ набуда, балки китобест танзимкунандаи тамоми шууни башарият дар ҳама асру замон, ки аз ҷониби Офаридгори ҷаҳони ҳастӣ фиристода шудааст. 

Аз ҷумлаи мӯъҷизаҳои Қуръон ин мӯъҷизаҳои ададӣ дар Қуръон аст. Аз муҳимтарин фоидаҳои таҳқиқот ва баррасии Қуръон ин аст, ки ба афроди шаккок ва бедин исбот мекунем, ки ин ҳар ҳарфе ки дар Қуръон аст, аз ҷониби Худованд аст. Ҳоло дар зер намунае аз мӯъҷизаҳои ададии Қуръонро зикр хоҳем кард ва боқӣ аз шумо мехоҳем ақлро ба кор баред ва фикр кунед. Як намунае аз мӯъҷизаҳои адади дар Қуръон ин аст, ки калимаи (شهر) яъне «моҳ» дар Қуръони Карим 12 бор ба теъдоди моҳҳои сол такрор шудааст. 

Калимаи (يوم)  яъне «рӯз» дар Қуръон 360 бор мувофиқи рӯзҳои як сол такрор шудааст. Касе мехоҳад барраси кунад, марҳамат ба Қуръон муроҷиа кунад. Диққат фармоед азизон! Чӣ гуна Худованд дар китобаш калимаи «моҳ»-ро 12 бор ном бурдааст, ки ба теъдоди моҳҳо дар як сол баробар аст. Оё ин мувофиқат тасодуфи омадааст? Ҳар кас, ки ин ояҳои Қуръонро бо тафаккур мехонад дар меёбад бисёр дорои як низоми аҷибест. Бародарон! ба ин ояти аз Қуръони Карим таваҷҷуҳ кунед. Худованд фармудааст: 

(قُلْ لَئِنِ اجْتَمَعَتِ الْإِنْسُ وَالْجِنُّ عَلَى أَنْ يَأْتُوا بِمِثْلِ هَذَا الْقُرْآَنِ لَا يَأْتُونَ بِمِثْلِهِ وَلَوْ كَانَ بَعْضُهُمْ لِبَعْضٍ ظَهِيرًا ( سورة الإسراء : ۸۸ .

 «Бигӯ, агар тамоми инсонҳо ва ҷинҳо бо ҳам ҷамъ шаванд, то монанди ин Қуръонро биоваранд ҳаргиз монандашро нахоҳанд овард, ҳатто агар ҳама ҳамроҳ ва пуштибони ҳамдигар шаванд» 

Диққат фармуда калимаҳои ин оятро бишуморед. Дар ин оят 19 калима аст ва 76 ҳарф. Боз аҳамият дода нигоҳ кунед, дар ин оят фақат 19 ҳарф аз ҳарфҳои араби зикр гардидааст. Албатта ба истиснои такрор, ки он ҳарфҳо инҳоянд: 

(ق ل ي ا ج ت م ع ن س و ب ث هـ ذ ر ك ض ظ )

 Он чи назари моро ҷалб мекунад ин аст, ки мо дар баробари се навъ аз шаклҳои ададӣ дар ин оят ҳастем. Он се навъ инҳоянд:

 1- Теъдоди калимаҳо дар ин оят =19 калима

2- Теъдоди ҳарфҳо дар ин оят = 76 ҳарф

3- Теъдоди ҳарфҳои истифода шуда аз алифбои арабӣ ба истиснои такрор=19 ҳарф

 Андеша кунед дустон, чаро Худованд ин теъдодро дар ин оят интихоб фармудааст ва чӣ иртиботе бо Қуръон дорад?!  Зеро ин оят инсонҳо ва ҷинҳоро ба мубориза мехонад ва аз онҳое, ки мегӯянд Қуръон навиштаи башар аст, талаб мекунад, ки монанди ин Қуръон биоваранд агар қудрат доранд. Ҳангоме, ки ин се шакли дар боло зикр шударо ҷамъ кунем баробар бо теъдоди сураҳои Қуръон мешавад. Масалан;

 19+76+19=114 ки ин адади сураҳои Қуръон аст. Қуръони Карим ҳамагӣ аз 114 сура иборат аст. Субҳоналлоҳ! Оё ин нишонаи мӯъҷизаи  Қуръон нест. Оё имкон дорад, ки чунин коре тасодуфӣ бошад?

 Манбаъ: Cомонаи Тураҷонзодаҳо

Адреси доимии маводи мазкур: http://www.ruzgor.tj/gunchahoiumed/2607-2010-07-05-05-24-13.html