09:20:46 01-уми Июни 2020 сол
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019
 

Тақвим

<< < Июн 2020 > >>
Дш Сш Чш Пш Ҷм Шб Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

ТӮРАҶОНЗОДА: "ШӮРОИ УЛАМО ШАРТҲОИ МОРО ҚАБУЛ НАКАРДАНД"

Шӯрои уламои дини Тоҷикистон шартҳои бародарон Тӯраҷонзода барои "оштӣ"-ро напазируфт. Ба ин тартиб, талоши додгоҳ барои оштӣ додани ду ҷониб бенатиҷа анҷом ёфт ва ҳамакнун муҳокимаи шикояти бародарон Тӯраҷонзода алайҳи Сайидмукаррам Абдулқодирзода, раиси Шӯрои уламои ин кишвар, идома хоҳад ёфт.

Хочи Акбар ТурачонзодаҚарор буд рӯзи душанбеи 6 феврал оқои Абдулқодирзода дар ҳузури қозии додгоҳи ноҳияи Исмоили Сомонӣ мавзеъгирии худро нисбати пешниҳоди додгоҳ дар бораи дастёбӣ ба созиш бо бародарон Тӯраҷонзода эълом кунад. Баъд аз анҷоми суҳбат бо додгоҳ раиси Шӯрои уламои дини Тоҷикистон аз суҳбат бо хабарнигорон худдорӣ кард. Аммо Ҳоҷӣ Акбар Тӯраҷонзода хабар дод, ки Шӯрои уламои дин пешниҳод барои "оштӣ"-ро напазируфтааст.

Оқои Тӯраҷонзода афзуд: "Мутаъассифона, тарафи мухолиф ба додгоҳ эълон кардаанд, ки гуё аъзои Шӯрои уламо нахостанд ҷамъ шаванд ва аз фикрашон ақиб гаштанӣ нестанд, аз хамин хотир ҷаласаи Шӯрои уламо баргузор нашуд."

Ин мазҳабии саршиноси тоҷик аз он изҳори таъаҷҷуб кард, ки чаро раиси Шӯрои уламо барои баргузории ҷаласаи аъзои ин ниҳод даҳ рӯз муҳлат хост, вале дар натиҷа чунин ҷаласаеро баргузор накард. “Ин беэҳтиромӣ нисбат ба додгоҳ ва ҳамаи мо аст.”

Ҳоҷӣ Акбар Тӯраҷонзода афзуд, ки ба чунин посухи муфтии Тоҷикистон эътимод надорад, зеро “бо бештаре аз аъзои Шӯрои уламо ошно ҳастам ва онҳо изҳор доштанд, ки барои изҳори назари воқеъии худ омода ҳастанд.”

Бо ин вуҷуд, вай қасд дорад дар ҷараёни муҳокимаи додгоҳӣ аъзои Шӯрои уламои динро ба додгоҳ даъват карда ва назари онҳо дар қиболи баёнияи Шӯрои уламои дин алайҳи бародарон Тӯраҷонзодаро бипурсад. Оқои Тӯраҷонзода ҳамчунон муътақид аст, ки ин баёния “тақаллубӣ” буда ва матни он аз сӯйи аъзои Шӯрои уламои дин таҳия нашудааст.

Шикояти Ҳоҷӣ Акбар Тӯраҷонзода алайҳи Сайидмукаррам Абдулқодирзода пас аз нашри баёнияе марбут ба ӯ аз номи Шӯрои уламо оғоз шуда буд. Дар баёнияи Шӯрои уламои исломӣ омада буд, ки бародарон Ҳоҷӣ Акбар ва Нуриддин Тӯраҷонзода дар масҷиди таҳти назари худ дар ноҳияи Ваҳдат маросими "Ошӯро"-ро, ки хосси мазҳаби шиъаи ислом аст, баргузор карда ва аз ин роҳ қасд доштаанд дар миёни мусалмонон "фитна" ангезанд.

Дар пайи ин қазия Кумитаи дини Тоҷикистон фаъъолияти масҷиди зери назари бародарон Тӯраҷонзодаро маҳдуд кард. Гузашта аз ин, баъд аз пахши ин баёния гурҳе аз мақомот ҳамроҳ бо раиси Шӯрои уламои дин аз ин масҷид дидан карданд.

Аммо намозгузорон аз онҳо "хуш истиқбол накарда" ва хостанд, ки ин афрод масҷидро тарк кунанд. Сайидмукаррам Абдулқодирзода аз чунин рафтор ба додситонии ноҳияи Ваҳдат шикоят бурд ва дар натиҷа додгоҳ бародарон Тӯраҷонзодаро дар “авбошӣ” муҷрим дониста ва ҷарима кард.

Бародарон Тӯраҷонзода дар навбаи худ ба додгоҳи ноҳияи Исмоъили Сомонӣ шикоят бурда ва оқои Абдулқодирзодаро дар тақаллубкорӣ муттаҳам карданд. Вале қабл аз оғози муҳокима барои оштӣ шудан шартҳое низ гузоштанд.

Аз ҷумла, ба гуфтаи оқои Тӯраҷонзода, онҳо “оштӣ”-ро дар сурати иҷрои ду шарти аслӣ аз сӯйи раиси Шӯрои уламо хоҳанд пазируфт. Яке ин ки қарори Шӯро дар бораи бародарон Тӯраҷонзода ботил шинохта шавад ва дигар ин, ки иҷозаи фаъъолият ба масҷиди марбут ба ин хонавода дар ноҳияи Ваҳдат содир шавад.

Ҳамакнун қарор аст, ки муҳокимаи шикояти бародарон Тӯраҷонзода алайҳи раиси Шӯрои уламои дин рӯзи чаҳоршанбеи 8 феврал баргузор шавад.

Би-Би-Си



Назари Шумо

Security code
навсозӣ

sultoni-qalbho
askshoi-khotiravi