13:14:12 01-уми Июни 2020 сол
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019
 

Тақвим

<< < Июн 2020 > >>
Дш Сш Чш Пш Ҷм Шб Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

ИМКОНИ АФЗОИШИ АЪЗОИ ШӮРОИ УЛАМОИ ДИНИ ТОҶИКИСТОН

Шӯрои уламои дини Маркази исломии Тоҷикистон тасмим гирифтааст, ки шумори аъзои худро афзоиш бидиҳад. Қарор аст рӯзи душанбеи 30 апрел ин мавзӯъ дар ҷаласаи Шӯрои уламо баррасӣ шавад.

/images/stories/2012/04/25_islam-25412.jpgБа гуфтаи Аловуддин Қосимов, сухангӯйи раиси Маркази исломии Тоҷикистон, интизор меравад дар ин ҷаласа дар мавриди теъдоди аъзои Шӯрои исломӣ тасмими ниҳоӣ гирифта шавад. Вай гуфт: "Дақиқ нест, ки аъзои шӯро то чанд нафар афзоиш меёбад. Зеро, ин амр дар салоҳияти худи аъзои Шӯрои исломӣ аст ва дар ҷараёни ҷаласа онҳо худ дар ин замина тасмим хоҳанд гирифт."

Оқои Қосимов афзуд, ки Сайидмукаррам Абдулқодирзода, раиси Маркази исломии Тоҷикистон, феълан дар сафаре дар Кувайт ба сар мебарад ва ба ин далел дарёфти иттилоъи бештаре дар бораи таҷдиди сохтори Шӯрои уламои исломӣ ғайримумкин аст.

Эшони Абдулбасир, муъовини раиси Шӯрои уламои дин, дар сӯҳбат бо Би-би-сӣ гуфт, ки бо сафаре дар минтақаи Рашт қарор дорад ва аз пешниҳоди афзоиши теъдоди аъзои Шӯрои уламо ҳануз иттилоъ надорад.

Бо ин вуҷуд, вай гуфт, ки аъзои куҳансоли Шӯрои уламои дин аз узвияти худ маҳрум нахоҳанд шуд. Вай афзуд: "Онҳо афроде ҳастанд, ки аз эътибори зиёде дар ҷомеъаи Тоҷикистон бархурдоранд ва истифода аз донишу таҷрубаи онҳо дар ҳалли масоили мазҳабӣ бамаврид хоҳад буд."

Феълан 24 нафар аз чеҳраҳои саршиноси мазҳабии Тоҷикистон аъзои Шӯрои уламои дин мебошанд. Дар гузашта гузориш шуда буд, ки чеҳраҳои саршиноси мазҳабие, назири бародарон Тӯраҷонзода, Ҳоҷӣ Мирзо, Мулло Раҳим ва ғайра узви Шӯрои уламои дин нестанд ва ин амр боъиси пойин рафтани эътибори ин шӯро дар миёни мусалмонон шудааст.

Бештари соҳибназарон мегӯянд, ки бо таваҷҷуҳ ба вуҷуди ихтилофи назарҳои ин афрод бо раиси Шӯрои уламои дин баъид аст, ки ин афрод ба узвияти шӯро пазируфта шаванд. Зимнан, дар ним соли ахир баҳсу ихтилофи байни раиси Маркази исломӣ ё муфтии Тоҷикистон бо бародарон Тӯраҷонзода ба мавзӯъи доғе дар ҷомеъа табдил шудааст.

Сайидмукаррам Абдулқодирзода аз номи Шӯрои уламои дин бародарон Тӯраҷонзодаро ба баргузории маросими Ошӯро дар масҷиди "Муҳаммадия" дар ноҳияи Ваҳдат ва "таблиғи ақоиди шиъа" муттаҳам кард.

Аммо Ҳоҷӣ Акбар Тӯраҷонзода ва бародаронаш ин иддаъоро бепоя хонда ва ба додгоҳ шикоят бурданд, ки ин баёнияи Шӯрои уламои дин тақаллубӣ аст. Ба гуфтаи оқои Тӯраҷонзода, бархе аз аъзои ин шӯро ба ӯ гуфтаанд, ки дар бораи таҳияи чунин баёнияе огоҳ нестанд.

Додгоҳ дар ниҳоят шикояти бародарон Тӯраҷонзода алайҳи Маркази исломиро рад ва аз шикояти оқои Абдулқодирзода алайҳи бародарон Тураҷонзода ҳимоят кард.

Дар ҳамин ҳол, Кумитаи дини давлати Тоҷикистон аз додгоҳи ноҳияи Ваҳдат хостааст, ки сарнавишти ояндаи масҷиди "Муҳаммадия"-ро, ки ба хонаводаи Тӯраҷонзода мутаъълиқ аст, рӯшан созад. Бисёриҳо бар ин назаранд, ки ин масҷид дар оянда бо ҳукми додгоҳ аз масҷиди ҷомеъ ба масҷиди панҷвақта табдил дода хоҳад шуд.

Аз сӯйи дигар, гуфта мешавад, ки дар чанд соли ахир Шӯрои уламои дини Тоҷикистон бо судури чанд мусавваба аз вуруди занон ва кӯдакон ба масоҷид ҷилавгирӣ кардааст, ки ба гуфтаи мунтақидони ин шӯро, ин амр муғойир бо аҳкоми шариъат аст. Ҳамчунин гуфта мешавад, ки ин шӯро дар таҳияи феҳрасти маъвизаҳои ҳатмӣ дар масоҷид ва барканории бархе аз имом-хатибони саршинос нақш доштааст.

Би-Би-Си



Назари Шумо

Security code
навсозӣ

sultoni-qalbho
askshoi-khotiravi