04:25:50 27-уми Ноябри 2020 сол
"РӮЗГОР" - "RUZGOR"
1,477 аъзо
Ҳамроҳ шудан ба гурӯҳ
Ба гуруҳи мо "РӮЗГОР" ва "Ruzgor CINEMA" дар фейсбук обуна шавед! Бо мо будан боз ҳам дурахшон сохтани рӯзгори хеш мебошад. Мо бо маводҳои...
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019

Тақвим

<< < Ноябр 2020 > >>
Дш Сш Чш Пш Ҷм Шб Яш
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

Роғун

ИТТИҲОДИЯИ АВРУПО МУНТАЗИРИ ЭКСПЕРТИЗАИ РОҒУН АСТ

Иттиҳодияи Аврупо гуфт, мунтазири натиҷаи ташхиси тарҳи Роғун аст, ки аз тарафи гурӯҳи бозрасони БҶ анҷом мешавад.

/images/stories/2012/09/03_ekspertiza-roghun-030912.jpgКетрин Эштон-раҳбари сиёсати хориҷии Иттиҳодияи Аврупо ва ҳамзамон муовини раиси Комиссияи Аврупо иброз доштааст, ки кӯшишҳои Бонки Ҷаҳонӣ дар кафолати таҳқиқи мустақили фаннии лоиҳаи такмили нерӯгоҳи барқу оби (НБО) Роғунро дастгирӣ намуда, интизори натиҷаи он аст.

Дар изҳороте, ки рӯзи ҷумъаи 31-уми август  дафтари матбуотии Эштон нашр намуд, гуфта мешавад, ки номбурда аз таҳқиқоти иловагии Бонки Ҷаҳонӣ дар масъалаи роҳҳои алтернативии таъмини энергетикии минтақа низ пуштибонӣ мекунад.

Ба қавли Эштон ин таҳқиқот бояд дар танзими муколамаи созанда дар байни тамоми кишварҳои манфиатдор оиди ин лоиҳа ва ҳамкорӣ дар соҳаи энергетикаву истифодаи захираҳои оби Осиёи Марказӣ ҳамчун заминае хидмат кунад.

Раҳбари сиёсати хориҷии Иттиҳодияи Аврупо Тоҷикистон ва кишварҳои дигари поёнобро ба чунин муколамаи пойдор бар шаҳодатҳо ва таҳкими механизмҳои истифодаи обу энергияи минтақа даъват мекунад.

Хонум Эштон бар ин назар аст, ки ҳар гуна лоиҳаи бузурги инфрасохторӣ бояд фақат дар сурате татбиқ шавад, ки пажӯҳишҳои мустақили байналмилалии қобили эътимод аз он пуштибронӣ кунанду таъсири эҳтимолии он арзёбӣ шуда бошад. Бар илова раҳбари сиёсати хориҷии Иттиҳодияи Аврупо таъкид кардааст, ки дар ин гуна лоиҳаҳо манфиати тамоми ҷонибҳо бояд мадди назар гирифта шудаву роҳҳои ҳалли дарозмуддати қобили қабули ҳамаи ҷонибҳо ҷустуҷӯ шавад.

Ҷои ёдоварист, ки рӯзи ҷумъа ҳамчунон Бонки Ҷаҳонӣ эълон карда буд, ки сармоягузории барномаи коҳиши талафоти нерӯ дар Тоҷикистонро идома дода, бо ин ҳадаф 18 миллион доллари иловагӣ тахсис медиҳад. Ин иқдоми бонк имкон фароҳам меорад, ки кӯшишҳои ҳукумати Тоҷикистон дар масъалаи беҳбуди назорати молӣ, беҳбуди пулғундорӣ ва рушди дарозмуддати соҳаи нерӯи барқ ва гази табиӣ давом кунад. Иҷрои барномаи коҳиши талафоти энергия дар Тоҷикистон соли 2005-ум шурӯъ шудааст.

Аслан Шӯрои мудирони Бонки Ҷаҳонӣ дар моҳи феврал иброз дошт, ки барои татбиқи барномаи коҳиши талафоти нерӯи барқ дар Тоҷикистон 18 миллион доллари иловагӣ тахсис дода, маблағи умумии онро то ба 38 миллион доллар хоҳад расонд.

Ҳамчунон ҳукумати Швейтсария ба хотири иҷрои ин лоиҳа 8 миллион долар ба ҳайси грант тақдим мекунад.Барномаи коҳиши талафоти нерӯ дар Тоҷикистон бояд беҳбуди ҳисоби истифодаи нерӯ ва пулғундорӣ вазъи молии соҳаи мазкурро тақвият бахшад. Иҷрои барнома имкон медиҳад, ки муштариён пули энержии воқеан истифодашударо пардохт намоянд. Ин лоииҳа  ҳамчунон истифодаи беҳтари нерӯ дар фасли зимистон ва тармиму таъмири нерӯгоҳи барқ оби Норакро мадди назар дорад.

Дар соли 2010-ум бо назардошти мухолифатҳои шадиди Узбакистони ҳамсоя Тоҷикистон таҳқиқ ё худ экпертизаи фаннӣ ва зистмуҳитии тарҳи Роғунро раҳандозӣ намуд, ки ташкилу таъмини молии онро Бонки Ҷаҳонӣ бар дӯш гирифтааст. Қаблан пешбинӣ мешуд, ки гурӯҳи бозрасон то моҳи сентябри соли 2013-ум ташхиси Роғунро ба охир мерасонад.

«Озодӣ»



Шарҳҳо   

 
0 #2 хуршед 12.02.2013 10:43
рогун кай ба итмом мерасад
 
 
-1 #1 Guest 05.09.2012 11:55
bo salom. man yak savole az masulini hukumat va hamchunin az xonandagoni in somona va mardumi xalki tojik doram va on inki : oyo avrupo baroi soxtani gess yo yagon korxonaash az mardumi tojikiston ijoza giriftaast yo megirad? charo onho har chizi bisozand svetafor baroi onho sabz vale navbati tjk rasid svetafor surx meshavad? mardumi mo ba hush boshand ki hij kishvare namexohad mo peshraft kunem . mexohand misli ghulom zeri dastoni onho boshem ki hastem. az mardum va masulini kishvar xohish mekunam ba gaphoi onho tavajjuh nakunand va in gessro bisozand. tashakkur
 

Назари Шумо

Security code
навсозӣ

sultoni-qalbho
askshoi-khotiravi