CОЗҲО ВА РОЗҲОИ СУБҲОНИ САИД

-Субҳонҷон, дар байни мардум овозаҳое ҳаст, ки баъзе аз овозхонҳои соҳибистеъдоди мо ба истеъмоли маводи мухаддир дода шудаанд. Ҳатто сабаби марги бархе аз онҳоро дар истеъмоли аз ҳад зиёди маводи мухаддир медонанд. Сабаб чист, ки ҷавонони боистеъдоди мо ба чунин амали зишт ва бад даст мезананд?

-Чӣ ҷои пинҳон. Замоне низ ман ба ҳамин амали зишт даст зада будам. Имрӯз сад шукри Худовандӣ, ки дар худ тавоне пайдо кардам, ки ин одати бадро канор бигузорам. Ва аммо чаро ҷавонони мо ба ин кори бад даст мезананд? Аз он рӯзе, ки шумораи дискоклубҳову дискотекаҳо дар мо зиёд шуданд, талабот ба овозхонҳое, ки бояд дар ин ҷоҳо зинда ҳунарнамоӣ кунанд, низ афзудааст. Ман худам дар ин ҷойҳо набудам. Вале аз нафарҳои огаҳ бисёр шунидаам, ки ҷавонони боистеъдоди мо барои дарёфти маблағи муайяне ба ин даргоҳҳо мераванд, соатҳои дароз сурудхонӣ мекунад.

Гӯё дар зимн ба хотири рафъи хастагӣ ба истеъмоли маводҳои нашъаовар, ки дар ин муассисаҳо ёфтанашон кори чандон душвор нест, низ даст мезананд. Ман фикр мекунам, ки дар нашъаманд шудани бархе аз овозхонҳои боистеъдоди мо қочоқчиёну паҳнкунандагони маводи мухаддир пеш аз ҳама ҳавасманд ҳастанд. Ба фикрам агар хато накунам, режиссёри машҳури рус Станиславский ҳунармандони асилро ба кӯдак ташбеҳ дода буд. «Ҳунармандони асил мисли кӯдаконанд. Кӯдаконро фиреб додан чӣ осон аст». Онҳо (қочоқчиён ва фурӯшандаҳои маводи мухаддир)дониста ҳунармандони боистеъдоди ҷавонро дар ин кор «шинонданд» ё «мешинонанд». Дигар худатон бифаҳмед, ки барои чӣ ин корро мекунанд. (идома)

Шарҳҳо

+2 #3 RE: CОЗҲО ВА РОЗҲОИ СУБҲОНИ САИД — Guest 21.08.2011 15:30

Ассалому алейкум.Ман яке аз хонандагони сомонаи интернетии RUZGOR.TJ хастам. Дар ин сомона дар бораи Субхони Саид хонда аз буридани пояшон хело гамгин шудам. Аз Субхони Саид мехохам пурсам, ки чаро баъд аз як албоми баровардаи 2011 дигар албоми шеъриашон намебарояд? Бо эхтиром як мухлиси ашаддии Субхони Саид

+3 #2 RE: CОЗҲО ВА РОЗҲОИ СУБҲОНИ САИД — Guest 20.04.2011 09:47

Сарнавишти Субхони Саъидро хондаму ин газали Шамсуддини Шохин ба хотирам расид, ки муносиби холи ишон аст ва агар ин газал ба дасти Субхон бирасад шояд оханге мондагор ба ин газал эчод кунад.
Газали мазкур чунин аст:

Шикастахотиру ранчуру нотавон шудаам
Биё бубин, ки дилат хар чи хост он шудаам
Ба гайри хору хаси мехнатам намебояд
Ба хар тараф,ки чу оби равон равон шудаам
Ба гайратам хаваси зиндаги намондааст
Ба хотири хама чун бори гам гарон шудаам
Ачал тафаккуди холам намекунад варна
Хазор бор аз ин зиндаги ба чон шудаам
Зи рузгор надидам навозише харгиз
Чуз ин кадар, ки гуломи шахи чахон шудаам
Ман он гулам ,ки зи ошуби бесуботии дахр
Накарда тоза димоги касе хазон шудаам
Ба фазлу дониши худ хайф оядам Шохин
Ки ман ба ин хама ганч аз чи ройгон шудаам

+4 #1 Guest 10.04.2011 12:26

Акаи Субхон гапи ростро гуфтанд."«Ҳунар мандони асил мисли кӯдаконанд. Кӯдаконро фиреб додан чӣ осон аст». Онҳо (қочоқчиён ва фурӯшандаҳои маводи мухаддир)донист а ҳунармандони боистеъдоди ҷавонро дар ин кор «шинонданд» ё «мешинонанд». Дигар худатон бифаҳмед, ки барои чӣ ин корро мекунанд....
Хоб масъала рушан шуд, акнун ЧИ БОЯД КАРД? ЧИ ГУНА САДДИ ИН РОХ ШУДАН МУМКИН?
ТАШАКУР БАРОИ CУРУДИ МОДАР...