00:59:46 11-уми Июли 2020 сол
"РӮЗГОР" - "RUZGOR"
1,477 аъзо
Ҳамроҳ шудан ба гурӯҳ
Ба гуруҳи мо "РӮЗГОР" ва "Ruzgor CINEMA" дар фейсбук обуна шавед! Бо мо будан боз ҳам дурахшон сохтани рӯзгори хеш мебошад. Мо бо маводҳои...
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019

Тақвим

<< < Апрел 2043 > >>
Дш Сш Чш Пш Ҷм Шб Яш
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

ФАРИШТАЕ БА НОМИ МОДАР

Кўдаке, ки омодаи таваллуд шудан буд, рӯ ба сӯи Худованд карду пурсид; эй Худои хубу меҳрубонам, мегӯянд фардо маро ба замин мефиристед, аммо ман бо ин хурдӣ ва бидуни ҳеҷ кумаке чигуна метавонам барои зиндагӣ ба онҷо биравам? 

farishtaХудованд ба ӯ гуфт: аз миёни теъдоди бисёре аз фариштагонам ман якеро барои ту дар назар гирифтаам, ки ӯ дар интизори туст ва аз ту нигаҳдорӣ хоҳад кард. 

Кўдак ҳануз намедонист ки мехоҳад биравад ё не, боз рӯ ба суи Худованд карду гуфт: Худоё ман дар ин ҷо коре намекунам, мушкиле надорам, коре ба ҷуз хандидан ва овоз хондан надорам ва инҳо барои шодии ман кофӣ ҳастанд. 

Ҳотифе аз ҷониби Худованд ба ӯ гуфт: фариштаи ту бароят овоз хоҳад хонд ва ба рӯи ту лабханд хоҳад зад. Тавре ки ту ишқи ӯро эҳсос хоҳӣ кард ва шод хоҳӣ шуд. 

Кўдак бо нигаронӣ пурсид: эй Худоҷони меҳрубон, ман чӣ тавр метавонам бифаҳмам онҳо чӣ мегӯянд вақте ман забони онҳоро намедонам? 

Дубора садои латифи ҳотифи ғайб гӯши ӯро навозиш карду фармуд: фариштаи ту зеботарин ва ширинтарин вожаҳоеро ки мумкин аст бишнавӣ дар гуши ту замзама хоҳад кард ва бо сабру бурдборӣ ба ту ёд хоҳад дод, ки чигуна сӯҳбат кунӣ. 

Кўдак бо нороҳатӣ идома дод: вақте бихоҳам бо ту сӯҳбат кунам, чӣ кор кунам? Аз онҷо чӣ гуна бо ту сӯҳбат кунам? 

Посух шунид ки, фариштаат дастҳоятро дар канори ҳамдигар қарор дода ба ту ёд медиҳад, ки чи гуна дуо кунӣ ва бо ман сухан бигӯӣ. 

Кӯдак сарашро поин андохту пурсид: шунидам дар замин инсонҳои баде ҳам зиндагӣ мекунанд, кӣ маро аз онҳо муҳофизат мекунад? 

Фариштаат аз ту нигаҳдорӣ хоҳад кард, ҳатто агар ба қимати ҷони худаш бошад. 

Кўдак даст бардошт ва пурсид: Худоё, агар қарор аст биравам пас номи фариштаам чист? 

Ҷавоб шунид, ки номи фариштаат аҳамият надорад ба соддагӣ метавонӣ ӯро модар садо кунӣ. 

Оре, номи ин фариштаи заминӣ модар аст. Фариштае, ки Худованд барои нигаҳдорӣ ва муҳофизати кӯдакон интихоб кардааст. 

Аммо ончи муҳим аст, ин аст, ки оё ин фариштагони заминӣ ҳамеша ба вазифаҳои худ дуруст амал мекунанд? Пас ҳар як зан ё модар аз худ бипурсад, ки ба ин вазифаи ҳассоси худ чи қадар амал карда аст. 

Оё то ҳол дар бораи Худо ва меҳрубонии ӯ бо фарзандатон сухан гуфтаед?

Оё ба фарзандатон омӯхтаед, ки чӣ гуна бо Худояш сухан бигӯяд?

Оё дар бораи амру фармонҳои Худованд ба фарзандатон чизе гуфтаед?

Оё аз ишқу меҳрубонӣ ва неъматҳои парвардигораш ба ӯ чизе гуфтаед? 

Дар зеҳни фарзандонатон аз Худованд мавҷуди тарснок ва хашмгин насозед, балки коре кунед, ки фарзандатон ошиқи Худо бошад ва ӯро беҳтарин дӯсти худ бидонад. Аммо шумо, эй касоне, ки аз ин фариштаи замини бениёз гаштаед, оё ҳаққи ӯро ба ҷо овардаед? 

Оё як шаби бехобии ӯро ҷуброн кардаед?

Оё як рӯзи нигаронии ӯро барои бемориатон ҷуброн кардаед?

Оё баҳои як зарра муҳаббати ӯро пардохт кардаед?

Оё посухи аллаҳои ошиқонаи нимашабии ӯро додаед?

Оё посухи он ишқеро ки хуни шурро ба шири ширин табдил кард, то шумо нуши ҷон кунед, метавонед бидиҳед? 

Агар ба ин гуфтаҳо фикр кунем пай мебарем, ки ҳеҷ гоҳ наметавонем ҷавоби онҳама заҳмату меҳнати ин фариштаи заминиро бидиҳем. Мо аз ҷуброни заҳматҳои ошиқонаи ин фариштаи илоҳӣ оҷизем. Боз ҳам ишқи ин фаришта аст, ки моро аз азоби виҷдонамон мераҳонад. Агар мо бо камтарин кори хуби худ лаҳзае хотири ӯро шод гардонем, исми ӯро ошиқона садо бизанем, ва аз ӯ оҷизона талаби дуо кунем, боз ҳам шоҳиди табассуми зебо ва дуоҳои ошиқонаи ӯ дар ҳаққи худамон хоҳем буд. 

Бобоҷон Қаюмов

Адресидоимиимаводимазкур: http://www.ruzgor.tj/gunchahoiumed/3524-2010-11-07-16-13-29.html



Шарҳҳо   

 
0 #6 Guest 04.07.2011 22:23
Benihoyat sukhanoni zebo va ta]sirbakh. Nashakuri ziyod ba shumo barodari aziz. Ammo yak khohish agar mushikil naboshad chunin makoloho ziyodtar peshnihod kuned khub meshud.
 
 
0 #5 Guest 06.04.2011 11:33
Ба рости ни Суханонро хонда дар хайачо уфтодам,ки аз замони ба дунё омаданам касе ба ман чизе нагуфта буд.ман ба ин Бародар гуфтаниам, ки эхчго сараш дардро набинад.дар охир гуфтаниам,ки хаминхел маколахоро барои наврасон ва хонандагони макотибхои олли пешниход кунанд, чунки хар яки мо фарзанди инсон хастем.
 
 
0 #4 Guest 02.03.2011 14:12
хеле суханони зебо ва ширин!!!
 
 
0 #3 Guest 02.03.2011 14:08
хеле суханони зебо ва ширин.сипосгузо ра барои нависанда.
 
 
+2 #2 Guest 26.11.2010 21:07
;-) субхоналлох хеле суханони ширину пандомез худованд хофизат бод нависанда!
 
 
+6 #1 RE: ФАРИШТАЕ БА НОМИ МОДАРGuest 18.11.2010 17:14
Xudovand barakaton bta behtarin makolae ki to hol dar 23 soli umram khonda nabudam khondam!!!
 

Назари Шумо

Security code
навсозӣ

sultoni-qalbho
askshoi-khotiravi